خفه دم جدااااااااااااااااا

من طرف mero الجمعة ديسمبر 05, 2008 7:45 pm

بسم الله الرحمن الرحيم

فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلـونـــا نشــوف أمثلة

***********
إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ
ايه ؟

(( أظن ده مش وضع الرقص !!! واضح ان انا هنام ))

***********

انتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير: انتوا جيتــواااااااااااااااا ؟
(( لا لسه ))
***********
والعكس : انت لابس هدومك و متأنتك و على سنجة عشرة وريحة البارفان
واصله لاخر الشارع .. وخلاص بتفتح باب الشقة,, يجي حد من أهلك
وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))

***********
أو مثلا راكب العربية ودوّرتها وخلاص هتطلع ... يجيلك لك البواب
ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟
(( لا.. العربية واحشاني ))
***********
مثلا ماسك سماعة التلفون وقاعد تضغط الارقام يجي حد من أهلك ويقولك:
انت هتتكلم في التليفون ؟
(( لا.. بتفرّج عليه ))

***********
مثلا : ماسك مذكرة أو كتاب وقاعد تحفظ ومتحمس (أول مره بقى) .. جه
حد وقالك: هاه.. قاعد تذاكر ؟
(( تقوم رامي الكتاب و تقوله لااااااااء ))
***********
ربنا هاديك كده ... ماسك سبحة و عمال تسبّح ، يجي حد من البيت يعدي
عليك ويقول: هوّه انت بتسبح ؟
(( لاء.. هفرطها و أسلقها ))
***********
ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب
الاغنيّة ديه ولا ايه ؟
(( لاء.. طالبها اخنق على نفسي ))
***********
أو مثلا في العيد
المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه
وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير
(( أكيد يعني مش هيقولهم البقاء لله ))
***********
,,,المذيعة الظريفـة : وياترى بقى هتعملوا ايه العيد ده هتقضوه ازاي
؟
أكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيّد عليهم و نقولهم كل
سنة و انتو طيبين
(( سبتيله ايه يقوله يارخمة ؟ ))
***********
والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟(( يعني أساسي الواد لسه ما طلعلوش عرق الندالة علشان يقول لأ ))
__________________

من طرف **blacktiger** السبت ديسمبر 06, 2008 4:51 pm

ههههههههههههههههههههههههههههههه

لا بجد موضوع ظريف

تسلمى عليه ياميرو

من طرف smart الأحد ديسمبر 07, 2008 7:30 am

موضوع حلو اوى يا ميرو
وكل سؤال من دول فعلا يجيب الضغط
والاحسن لو اتسال اى سؤال منهم انه مايردش

من طرف mero الأحد ديسمبر 07, 2008 3:00 pm

Admin كتب:
ههههههههههههههههههههههههههههههه

لا بجد موضوع ظريف

تسلمى عليه ياميرو

مرسي ليك انته ياادمن باشا بجد انته نورتني

ومرسي ليك علي مرورك الجميل

من طرف mero الأحد ديسمبر 07, 2008 3:05 pm

smart كتب:
موضوع حلو اوى يا ميرو
وكل سؤال من دول فعلا يجيب الضغط
والاحسن لو اتسال اى سؤال منهم انه مايردش

هههههههههههههههههههههههههههههه

مرسي يا سمارت علي مرورك الكريم

ماهيه فعلا تجيب الضغط

:cyclops: :cyclops: :cyclops:

من طرف **JOMANA** الأحد ديسمبر 07, 2008 3:21 pm

ههههههههههههههههههههههههههههههه
توبيك حلو اوى يا ميغو
من تجربه شخصيه:
انا لما بتسال الاسئله دى بجاوب اللى سالنى وببقى فى قمه الرخامه
زى اللى محطوط فى الموضوع كده
انتى غشيتى الردود منى؟؟؟
هههههههههههههههههههههههههههههههههه

ميرسى ليكى كتير اوى على مجهودك يا ميغو

خفه دم جدااااااااااااااااا

خفه دم جدااااااااااااااااا

رد: خفه دم جدااااااااااااااااا

رد: خفه دم جدااااااااااااااااا

رد: خفه دم جدااااااااااااااااا

رد: خفه دم جدااااااااااااااااا

رد: خفه دم جدااااااااااااااااا